Edvin Kondili, kandidati i tretë për drejtimin e SPAK, ka nisur prezantimin e platformës para KLP-së.
“Ngritja e SPAK do të bazohet në objektiva konkrete, në afate sa me të shpejta, krijimi i BKH si plotësues i SPAK”, tha Kondili, i cili premtoi “garantimin total të pavarësisë së prokuroreve, mentalitetit të ndryshuar të prokuroreve larg centralizimit të dikurshëm”
“Prokurori është përgjegjës për të gjitha veprimet e veta. Organizimi i veprimit për çështjet nën hetim, protokolle hetimore konkrete me afate të qarta hetimi. Puna në grup, një qellim i përbashkët e gjithë SPAK-ut. Aplikimi i hetimeve proaktive për hetime pasurore. Opinioni publik pret rezultate konkrete dhe është detyra jonë parësore të vijmë në pritshmërinë e tij. Bashkëpunimi me agjencitë e tjera ligjizbatuese me rendësi të veçante. Efektiv, në kohe sa me të shkurtër dhe me mjetet të përshtatshme për çdo çështje. Marrëdhënia me publikun shumë e rëndësishme dhe bashkëpunues sigurisht pa cenuar sekretin hetimor. Kam eksperiencë prej 15 vite si prokuror, por asnjëherë drejtues”, shtoi Kondili.
INTERVISTA
Seiti: Nuk keni pasur eksperience si drejtues. Cila është arma juaj e fortë në raport me dy kandidatët e tjerë?
Kondili: Kjo gjë nuk më ka demotivuar, por bazohem në të gjithë eksperiencën time ku kam patur rastin të prek çdo aspekt i hetimit të një çështjeje.
Anëtar i KLP Sandër Beci: Cila do të ishte me e drejtë për ndjekjen e hetimeve pasurore?
Kondili: Hetimi pasuror duhet të ndiqet nga i njëjti prokuror që ndjek hetimin penal.
Drejtuesi i KLP Ibrahimi: Fakti që ligji parashikon bashkëpunim me forca të tjera policore përveç BKH, përben një rrezik për dekonspirim?
Kondili: SPAK fillon nesër, BKH kërkon pak kohe për tu formuar. Do të duhet bashkëpunim me Policinë e Shtetit me njerëz të emëruar posaçërisht për ketë bashkëpunim. Do të bashkëpunohet me agjenci të tjera policore, sepse do të ketë nevojë për mbarëvajtjen e hetimit.
Përfaqësuesja e EURALIUS: Si do veproni si administrator të kësaj strukture?
Kondili: Si drejtues administrativ i SPAK, do të ndiqen të gjitha parashikime të ligjit për funksionimin e SPAK. Drejtuesi nuk mund të ndërhyjë në pavarësinë e prokurorit. Drejtuesi është prokuror dhe si i tillë do të jetë mbështetje për këtë strukturë.
Lacomy, përfaqësuese e OPDAT: Cila është mënyra më e mirë e bashkëpunimit midis prokurorëve dhe hetueseve në SPAK?
Kondili: Ky bashkëpunim duhet të bazohet në një marrëdhënie reale midis të dyve, bazuar në besim, profesionalizëm. Së bashku për një qëllim të përbashkët.
Lexo edhe: Arben Kraja para KLP, prezanton kandidaturën për drejtimin e SPAK
Lexo edhe: “Kush është pika ime e dobët”/ Altin Dumani prezanton platformën për drejtimin e SPAK
