Leroy Sane është pranë kalimit në Bundesligën gjermane, ku do të luajë për Bayernin e Munihut.
Bavarezët ishin vënë pas anësorit gjerman që në merkaton e verës por futbollisti u dëmtua dhe më pas kampionët e Bundesligës u tërhoqën.
Bayerni nuk ka hequr dorë nga shërbimet e yllit të Manchester City, dhe tashmë çmimi për të është tjetër.
Gazetari i BILD, Christian Falk, raporton se Sane dëshiron t’i bashkohet skuadrës gjermane që në muajin janar.
Tashmë kampionët në fuqi të Gjermanisë duhet të gjejnë formulën e transferimit. City pret milionat, kurse nga ana tjetër dëmtimi i rëndë i Sane duhet marrë në konsideratë. Atij do i duhet kohë të kapë formën maksimale, por bavarezët besojnë tek aftësitë e të riut dhe te rikthimi i tij në formën e mëparshme.
Exclusive: @LeroySane19 wants to join @FCBayern already in january @SPORTBILD
— Christian Falk (@cfbayern) December 18, 2019
