Një 61-vjeçare britanike mbeti e plagosur rëndë në një aksident, kur u përplas nga një makinë policie ndërsa kalonte rrugën.
Ngjarja u regjistrua në rrugën mes Bradford dhe West Yorkshire, kur makina e policisë po lëvizte me shpejtësi drejt rrugës Lilycroft.
Policia e West Yorkshire ka nisur një hetim për ngjarjen dhe raporton se mjeti i policisë po ecte me shpejtësi për t’iu përgjigjur një emergjence. Gruaja e plagosur në aksident u dërgua në spital në gjendje të rëndë shëndetësore.
