Lazio është skuadra që duket se mund të kërcënojë deri diku dualizmin Inter-Juventus, për sa i përket titullit kampion në Itali. Skuadra bardhekaltër mori një fitore në frymën e fundit përballë Cagliarit me shifrat 1-2.
Dukej se skuadra sarde, po shkonte drejt një suksesi me golin e shënuar nga Simeone në minutën e 8-të, por gjithçka ndodh në fundin e ndeshjes, kur Luis Alberto shënoi golin e barazimit në minutën e 93-të, ndërsa golin e fitores e shënoi Caicedo në të 98-tën.
Një sukses, që ka “çmendur” edhe vetë drejtorin sportiv të Lazios, Igli Tare i cili zbriti ne fushë për të festuar me skuadrën. Një nga pjesëtarët e stafit të Lazios kërkoi ta largonte për shkak të polemikave dhe protestave nga drejtuesit e Cagliarit, por ai u rebelua duke i thënë “Mos më çaj shumë k*****”.
