Një aksident me pasojë vdekjen e një të riu ka ndodhur paraditen e sotme në fshatin Larushk, në Krujë.
Burime bëjnë me dije se si pasojë e aksidentit ka humbur jetën 21-vjeçari Asllan Milla, i cili është përplasur nga një makinë tip “Hyundai”.
“Shtetasi R.K., 41 vjeç, duke drejtuar mjetin tip ‘Hyundai’ ka aksidentuar këmbësorin shtetasin A.M., 23 vjeç, i cili për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e rrethanave të aksidentit. Drejtuesi i mjetit është shoqëruar në ambientet e Policisë për veprime të mëtejshme”, njoftoi policia.
