Pas ndeshjes së zhvilluar ditën e shtunë ndaj Watford, për llogari të javës së 17-të në Premier Ligë, Liverpool zbret sonte në fushë ora 20:45, ndaj Aston Villas në EFL Cup.
Por nuk mbaron këtu pasi më pak se 24 orë më vonë, “Të Kuqtë”, luajnë një tjetër ndeshje atë për gjysmë finalen e Kupës së Botës për klube ndaj Monterrey-t, në orën 18:30.
Mendohet se Liverpool do të krijojë dy skuadra me dy stafe të ndryshme për këto ndeshje, ku trajneri U23 i Liverpool-it, Neil Critchley, do të marrë drejtimin e skuadrës sonte ndaj Aston Villas në Carabao Cup, me lojtarët e tij.
Ndërkohë trajneri, Jurgen Klopp, do të ketë skuadrën më të fortë në dispozicion në Katar, për të luajtur gjysmëfinalen e Kupës së Botës për klube ndaj Monterrey-t, trofe që Liverpool-i nuk e ka fituar kurrë, duke vendosur kështu qartë prioritetet mes këtyre dy kompeticioneve.
