Është hedhur në Nion të Zvicrës shorti i 1/8-ave të Ligës së Kampionëve.
Tri ishin sfidat që spikatën, Real Madrid – Mancester City, Atletiko Madrit – Liverpul dhe Çelsi – Bajen Mynih.
Përballje e fortë është edhe ajo mes gjermanëve të Borusia Dortmund dhe francezëve të PSG.
Goglat u treguan më bujare me Barcelonën dhe Juventusin. Spanjollët do të përballen me Napolin, që po kalon një moment jo fort të mirë. Ndërsa kampionët e Italisë do të gjejnë përballë francezët e Lion.
Interesante mbeten edhe sfidat Atalanta – Valencia dhe Totenham – Lajpsing, ku kualifikimi, të paktën në letër, mbetet i hapur, megjithëse favorit shihen spanjollët dhe anglezët.
Faza me eliminim direkt e Champions-it do të rinisë më 18 shkurt, por të 16 ekipet e kualifikuara mësuan sot rivalet e radhës. 16 skuadrat ishin të ndara në dy vazo. Në vazon e parë ishin të gjitha ekipet, që kanë zënë vendin e parë në grupin e tyre, ndërsa në vazon e dytë, ekipet që kanë zënë vendin e dytë në grup.
Çiftet e 1/8-ave
Borusia Dortmund – PSG
Real Madrid – Mancester City
Atalanta – Valencia
Atletiko Madrit – Liverpul
Çelsi – Bajen Mynih
Lion – Juventus
Totenham – Lajpsing
Napoli – Barcelona
