Kryeopozitari Lulzim Basha e quajti paketën anti-shpifje të qeverisë Rama, një manovër për të instaluar me ligj censurën ndaj medias. Basha tha se kjo është një vijë e kuqe, ndërsa shtoi se nëse parlamenti bën çmendurinë dhe e miraton këtë ligj, opozita jo vetëm që s’do e njohë, por sapo të ketë përgjegjësinë e qeverisjes do e zhbëjë.
Batuta
Deklaratat, Basha i bëri gjatë tryezës për lirinë e medias. Fjalën, kryeopozitari e nisi me një batutë. “Gjatë luftës së dytë botërore, Një gazetar e quajti Çurçillin budalla dhe u arrestua, të nesërmen opozita ishte bërë gati ta piqte kryeministrin me pyetje, ‘ça u bë Britania, u kthye në një shtet policor’. Çurçilli tha: Personi nuk u arrestua se fyeu kryeministrin e Britanisë, por u arrestua se nxori një sekret shtetëror. Se di në është anekdodë, po kjo që po ndodh në Shqipëri është një ofensivë e pandërprerë kundër medias, gazetarëve lirisë së shprehjes”.
Mesazhi
Pa lirinë e shprehjes s’ka liri politike, theksoi Basha.
“Keqinformimi i qytetarëve është një nga objektivat kryesorë strategjikë të të gjithë sjelljes, së kësaj qeverie dhe të këtij kryeministri, të të gjithë masave të propozuara, të arrestimeve arbitrare dhe shoqërimeve, presioneve financiare, penale e të gjithanshme ndaj çdo individi që kërcënon këtë objektiv strategjik të këtej kryeministri dhe të kësaj qeverie, të ngushtojë çdo ditë hapësirën e informimit të qytetarëve, kjo për ne është e papranueshme. Për PD, për secilin prej aleatëve tanë, për opozitën e bashkuar, kjo është një vijë e kuqe siç do të ishte në çdo vend sadopak demokratik”, shtoi ai.
“Nëse çmenduria çohet deri ne fund, në parlamentin e cunguar, opozita nuk do ta njohë dhe sapo të ketë mundësinë e qeverisjes për ta zhbërë këtë legjislacion bashke me shoqatat e gazetareve të pezullojmë çdo mase të tille arbitare. Shteti nis kryesine e OSBE me një sjellje rrugaçërore dhe kriminale, kundër lirisë së medias”, shtoi kryedemokrati. /Boldnews/
