Shqiptarët në Australi vazhdojnë të nxjerrin në pah frymën e solidaritetit. Për dy javë, shoqatat e shumta, të cilat veprojnë në Australi, mblodhën mbi 255 mijë dollarë për viktimat e tërmetit që goditi Shqipërinë më 26 nëntor, tërmet i cili la pas 51 viktima dhe qindra të plagosur.
Komuniteti shqiptar në Australi vazhdon të ruajë vlerat e kombit. Dëshmi për këtë është Festivali Shqiptar në Melburn, i cili për afro tri dekada ruan kulturën, gjuhën dhe traditën e stërgjyshëve.
