Policia nuk ka shoqëruar asnjë person lidhur me ekzekutimin e Enver Boriçit, mëngjesin e djeshëm në Lushnje. Ish-anëtari i bandës së Lushnjes, u qëllua me armë zjarri nga një person i maskuar, në lokalin e tij në lagjen Kadri Qystri në Lushnje.
Policia ka nisur hetimet, por nuk raportohen persona të shoqëruar, ndërsa në pyetje janë marrë familjarë të 43-vjeçarit.
Pista e parë ku po hetohet është e shkuara e viktimës, i cili ka qenë i dënuar për përfshirje në organizatë kriminale, shkatërrim të pronës me zjarr dhe dhunim të varreve.
Ndërkohë që pista e dytë është ajo e përfshirjes së viktimës në gjobëvënie.
Vëllai i viktimës, Arben Boriçi, i cilësuar si krahu i djathtë i Aldo Bares, ndodhet në burgun e Peqinit, ku vuan dënimin me burg të përjetshëm.
