Në ndeshjen e dytë të zhvilluar në “Air Stadium”, vihen re dëmtime për sa i përket stolave ku ulen spektaktorët.
Sipas administratorëve të stadiumit, në derbin e kryeqytetit, kanë qenë afër 70 stola të dëmtuar në vende të caktuara të stadiumit.
Burime për “Panorama Sport” bëjnë me dije se nga kontrolli i stadiumit pas ndeshjes rezultojnë deri tani 66 stola të dëmtuar. 15 nga ana e Partizanit dhe 51 nga ana e Tiranës. FSHF e ka referuar çështjen në polici, që kjo e fundit t’i identifikojë dëmtuesit dhe t’i ndëshkojë sipas ligjit.
Organizimi i ndeshjes ishte i Partizanit që duhet thënë ka qenë mjaft i mirë dhe kjo punë e Partizanit është shpërblyer edhe me arkëtime rekord. Ndonëse gjithçka ishte thuajse e përkryer, sërish tifozët kishin arritur të fusnin brenda sende të palejuara, si flakadanë dhe shashka. Derbi i 155-të i kryeqytetit është ndeshja e parë e Kategorisë Superiore e luajtur në stadiumin e ri kombëtar “Air Albania”.
