PD dega Durrës ka reaguar menjëherë pas operacionit të policisë që vuri në pranga zyrtarë të ALUIZN-it dhe të administratës duke i konsideruar të dyshuar si përgjegjës për tragjedinë. Sipas saj, prokurroia dhe policia po merren me cironkat, ndërkohë që personi që bëri katrahurën në Durrës, Vangjush Dako nuk mund të preket, sepse ai është pranë Ramës.
Më tej në deklòaratë, PD e Durrësit shprehet se ka qenë Dako ai që firmoste dhe vuloste për ndërtimet.
Deklarata
Partia Demokratike dega Durres reagon: Për më shumë se një dekadë në krye të piramidës së ndërtimeve dhe masakrës urbane në Durrës ka qenë kreu i Bashkisë së Durrësit, Vangjush Dako.
Prokuroria ka investiguar për më shumë se dy javë dhe puna e saj, sa intensive aq edhe profesionale, ka rezultuar në ndalimin e cironkave të përgjegjësisë për dramën që po kalon qyteti.
Dako dhe shpura e tij nuk mund të hetohen nga prokuroria sepse Dako është pranë Ramës dhe me Ramën, që nga Durrësi deri në Stamboll.
Piramida e krijuar nga Dako firmoste për ndërtimet, shiste beton për ndërtimet, supervizonte ndërtimet, firmoste dhe vuloste për të dhënë financimet.
Por Dako është jashtë juridiksionit të prokurorisë, për faktin e thjeshte se është nën juridiksionin e Ramës.
Ferdinant Xhaferaj.
