Shorti i Ligës së Kampioneve për fazën e 1/16-ve hidhet ditën e hënë.
Një përballje Juventus-Real Madrid është e mundur, dhe në lidhje me këtë ndeshje të mundshme, Buffon ka deklaruar se nëse shorti i vë përballë Realit, do të ishte një kënaqësi.
“Është gjithmonë kënaqësi të përballesh me ta. Respekti që kam për historinë dhe lojtarët e tyre është i madh”.
“Pavarësisht se si përfundoi hera e fundit që u përballëm në Madrid, gjithmonë e kujtoj atë ndeshje në një mënyrë pozitive. Ishte një shembull vendosmërie dhe force”.
“Kështu që në atë rast, dy ekipe fantastike do të takoheshin përsëri”. – tha Buffon për “Tuttosport”.
Kujtojmë që paraqitja e fundit e Buffon, në Madrid ishte me polemika, pasi doli me të kuq në minutat e fundit shtesë pas protestave të ashpra kundër penalltisë të fituar nga Reali i Madridit, që më pas u kthye në gol nga Cristiano Ronaldo duke i dhënë kualifikimin Realit.
