“Festivali i Këngës në RTSH”, këtë vit vjen nën regjinë e Vera Grabockës dhe prezantimin e Alketa Vejsiu, dyshja e cila gjithnjë ka pasur sukses në programet e spektaklet që kanë sjellë në ekran.
Nata e parë e festivalit do të mbahet në 19 dhjetor e duke qenë se na ndajnë vetëm pak ditë, Alketa ka nisur me kohë përgatitjet e fustaneve.
Alketa me anë të një postimi nëInstastory ka zbuluar se do të veshë plot 12 fustane në tre netë. Ajo shfaqet duke bërë provën e njërit prej fustaneve dhe nga aq pak sa shohim, kuptohet që moderatorja do shkëlqejë me temina e xixa.
“Provat e fundit për 12 fustanet e 3 netëve në festival”, shkruan Alketa duke etiketuar Valdrin Sahitin i cili mesa duket i ka stiluar këto fustane.
