Luhen sot raundi i fundit për fazën e grupeve për Europa Ligë, rezultatet të cilat do të zbardhin të gjitha ekipet që do të kualifikohen në raundin tjetër. Shumë grupe janë plotësisht të hapura dhe gjithçka vendoset në ndeshjet e fundit.
Në Grupin B, gjithçka është e komplikuar, pasi asnjë skuadër nuk e ka siguruar kualifikimin. Dinamo e Kievit pret Luganon, por mund të mos i mjaftojë fitorja për të avancuar më tej, nëse Kopenhageni humbet me Malmo. Nëse sfida mes danezëve dhe suedezëve përfundon në barazim, për efekt në rezultateve të drejtpërdrejta kalon Dinamo e Kievit, sigursht nëse mund me Luganon.
Në Grupin E, rumunët e Cluj presin Celtic, tashmë i kualifikuar. Vendasve u mjafton edhe barazimi për ta mbrojtur vendin e dytë. Lazio, që viziton Rennes, për tu kualifikuar duhet të fitojë takimin e saj, kombinuar me një fitore të Celtics ndaj Cluj.
Ndërsa edhe në Grupin F, ku bën pjesë Arsenali, 3 skuadra janë në lojë, ku Arsenali e cila kryeson grupin ndeshet ndaj Standartd Liege ku do të kërkojë fitoren për të siguruar vendin e parë në grup, ndërsa nuk duhet të humbë me një diferencë më të madhe se 4 gola për të rrezikuar kualifikimin, pra praktikisht “topçinjtë” janë të kualifikuar. Ndërsa nga ana tjetër, Eintrachti i Frankfurtit duhet thjesht të barazojë me Guimaraes për të siguruar kualifikimin.
Në Grupin G, ekuacioni është edhe më i vështirë për t’u zgjidhur, pasi të katër skuadrat janë në lojë për t’u kualifikuar. Porto (e dyta) pret Feyenoordin e vendit të fundit ndërsa Rangers (kryesuesit) sfidohen nga Young Boys. Vetëm skocezët e kanë të sigurt kualifikimin nëse barazojnë.
