Në Komisionin parlamentar të Ligjeve është diskutuar mbi draftet e qeverisë për paketën antishpifje, e kundërshtuar së fundi dhe nga vetë OSBE, pasi cënon hapur lirinë e medias, ndërsa gjobat shihen si një mjet presioni për lirinë e gazetarëve.
Kreu i Komisionit të Ligjeve Ulsi Manja, tha se drafti është përmirësuar me rekomandimet e OSBE-së, por gjeti kundërshtinë e përfaqësuesit të Unionit të Gazetarëve Aleksandër Çipa, i cili tha se mediat duhet të vetërregullohen, dhe kjo nuk mund të bëhet nga qeveria.
Debatet
Manja: Komisioni ynë është për dhënie mendimi, projektligjet janë miratuar në parim, seancat dëgjimore u ndërprenë për shkak të tërmetit të 26 Nëntorit. Përfaqesues të organizatave civile kanë qenë në seancat dëgjimore, sot kemi prezent nga qendra respublika, avokatët penalistë, komiteti shqiptar i helsinkit, birn, faktoje.al, exit neës, prezenca e osbe si dhe përfaqesuesi i unionit të gazetarëve. Të dy projektligjet janë votuar në parim, 2 nismat e depozituara në datën 9.7.2019, por ka dhe një draft të përmirësuar pas marrjes së ekspertizës vendase dhe të huaj.
Çipa: Në emër të një grupi të një organizate gazetarësh prezantoj qëndrimin e perbashket të unifikuar. I bëjmë thirrje qeverisë të tërheqë 2 projektligjet e prezantuata si paketa antishpifje, pasi i akordojnë AMA-s dhe Akep kompetenca gati gjyqësore.
Vetërregullimi i medias është kombinimi i standarteve, nuk mund të bëhet me ndëshkime të tilla. Thirrjes së organizatave tona i janë përgjigjur 6 nga organizatat më te rëndësishmë në Botë që mbrojnë lirinë e medias. Deri në momentin që do merrni në konsidetate reagimin tonë s’do jemi pjesë e këtyre mbledhjeve.
Manja: Projektligjet duhen ezauruar sipas procedurës se Kuvendit, ju ngrini pretendimin se AMA dhe AKEP marrin komepetenca gjyqësore dhe kërkoni vetërregullim, pasi e shihni në mbrojtjen e liriseë së medias por ky komision e sheh dhe në anen e mbrojtjes së lirisë së individit. Komisioni është për dhënie mendimi, përgjegjës është komisioni i medias.
