Shkolla “Emin Duraku” në Tiranë, një nga godinat e dëmtuara nga tërmeti i 26 nëntorit, do të jetë funksionale për nxënësit, edhe pse për godinën ka dy akt-ekspertiza që kundërshtojnë njëri-tjetrin.
Një ditë më parë prindër të nxënësve që studiojnë në këtë shkollë i drejtuan një peticion ministres së Arsimit, Besa Shahini, ku kërkonin garanci, ndërsa ajo iu përgjigj nga rrjetet sociale se mësimi do të zhvillohej në pjesën e godinës që nuk është e dëmtuar.
Lidhur me shqetësimin e prindërve ka reaguar nënkryetari i LSI-së, Petrit Vasili, i cili ka ka drejtuar një mesazh, ku shprehet se garancitë nuk mund t’i japë Edi Rama. Vasili thekson se ai është një i papërgjegjshëm, që edhe pas tërmetit të 21 shtatorit, brenda 24 orësh dha garanci për të gjitha shkollat në disa qarqe, pa bërë asgjë.
Mesazhi i Vasilit
Të dashur prindër të nxënësve të shkollës Emin Duraku vërtet prisni garanci për shkollën nga Edi Rama ?!
Po si mundet ta keni një iluzion të tillë?!
Edi Rama me gjithë ministren e tij të Arsimit, pas tërmetit të 21 shtatorit dha garanci brenda 24 orësh për të gjitha shkollat në disa qarqe të vendit, pra për qindra e qindra shkolla, sigurisht pa bërë asgjë.
Dhe ju prisni garanci nga ky i papërgjegjshëm!?
Lexoni çfare u thotë Edi Rama prindërve të shqetesuar, që me zemër të dridhur kërkojnë garanci për fëmijet e tyre, pasi shteti i Edi Ramës u ka dhënë dy verifikime kontradiktore: një që shkolla është e papërdorshme dhe e pasigurtë dhe një tjetër që lejon të bëhet mësim?!
