Qendra e Ndihmave Vullnetare e drejtuar nga Aulon Kalaja, ka organizuar këtë mbrëmje një festë për fëmijët e prekur nga tërmeti në Bubq. Siç shihet në pamjet më poshtë, kjo festë po organizohet me rastin e fundvitit për t’iu sjellë sadopak gëzim këtyre fëmijëve të cilët u prekën nga tërmeti shkatërrimtar i 26 nëntorit.
Kujtojmë se tërmeti i së martës më 26 nëntor, la pas 51 viktima, dhe 900 të plagosur. Jo vetëm fatkeqësi në njerëz, por qindra familje kanë mbetur në qiell të hapur për shkak të dëmtimeve në banesat e tyre të cilat tashmë janë të pabanueshme.
E pranishme në Bubq, pak ditë më parë ishte edhe këngëtarja shqiptare me famë botërore Bebe Rexha e cila u shpreh se do të ndërtojë disa shtëpi, për familjet e prekura nga tërmeti i fuqishëm i 26 nëntorit.
