Luhen sot dy takime të cilat përmbyllin javën e 14-të, të kategorisë Superiore.
Ndeshja e parë, në orën 13:30, është ajo mes Laçit dhe Flamurtarit. Laçianët gjendet në vendin e gjashtë me 19 pikë ndërsa skuadra e Flamurtarit gjendet e pashpresë në vendin e fundit me vetëm pesë pikë në 13 ndeshje të luajtura, teksa nuk ka arritur asnjë fitore.
Ndërsa ndeshja përmbyllëse e kësaj jave është ajo mes Teutës dhe Skënderbeut në “Niko Dovana” të qytetit të Durrësit, sfidë që luhet në orën 16:30.
Skënderbeu vjen në këtë përballje pas dy fitoreve dhe klasifikohet e pesta me 20 pikë, ndërsa Teuta gjendet në vendin e tetë me një pikë më pak. Duhet theksuar që skuadra bregdetare nuk ka arritur asnjë fitore në 5 ndeshjet e fundit, ku ka marrë 4 barazime dhe 1 humbje.
