Luhet sonte në mbrëmje, ora 20:45, kryendeshja e ditës së sotme në Seria A, ajo mes Lacios dhe Juventusit.
Barazimi i Interit ndaj Romës, i jep mundësinë bardhezinjve të rimarrin sërish kreun e tabelës pasi e humbën atë javën që shkoi.
Do të jetë një ndeshje mjaft e vështirë për Juventus pasi bardhekaltërit e Inzaghit janë një nga skuadrat më në formë të kampionatit teksa nuk e njohin humbjen prej nëntë ndeshjesh.
Një fitore e Lacios do t’i poziciononte ata vetëm tri pikë pas skuadrës së drejtuar nga Sarri ndërsa fitorja e Juventusit i do të zbriste Interin në vendin e dytë me një pikë më pak.
Për Juventusin do të mungojë Khedira, dhe në mungesë të tij, Bentancur do të kompletojë mesfushën së bashku me Pjanic dhe Matuidi.
Formacionet e mundshme:
Lazio: Strakosha; Radu, Acerbi, Felipe; Lulic, Alberto, Lucas, Milinkovic-Savic, Lazzari; Immobile, Correa
Juventus: Szczesny; Cuadrado, Bonucci, De Ligt, Sandro; Matuidi, Pjanic, Bentancur; Bernardeschi; Dybala, Ronaldo
