Igli Memaj 31 vjeç dhe Gentjan Dautaj 42 vjeç janë dy shqiptarët e arrestuar në Itali në lidhje me atentatin ndaj Ines Hajrullës, ngjarje e ndodhur në muajin maj në lagjen “Uji i Ftohtë” në Vlorë ku mbeti i plagosur një kalimtar.
Gentjan Dautaj mësihet se përdorte në Itali dhe identitetin Gentjan Zoto.
Autoritetet policore italiane i kanë identifikuar falë bashkëpunimit me autoritetet policore shqiptare që kishin sinjalizuar udhëtimin e tyre së Romë në bordin e një automjeti tip “Mercedes Benz”.
Aktiviteti investigativ i autoriteteve italiane vërtetoi pak ditë më parë praninë e shqiptarit Gentjan Dautaj në një dyqan në brendësi të stacionit qëndror të transportit në Romë “Termini”.
Më pas dy shqiptarët u identifikuan në një vilë mes qytezës së Ardeas e Aprilias në provincën e Romës.
Dy shqiptarët u vunë nën pranga me urdhër të Prokurorisë së Vlorës për tentativë vrasje e armëmbajtje pa leje.
Igli Memaj ka lindur më 19.09.1988, ndërsa Gentjan Dautaj i lindur më 15.10.1977 rezulton të ketë disa identetete falso në Itali.
Ndaj tij më tetor të 2018 është lëshuar një urdhër arrestimi me 2 vite burg nga Gjykata e Apelit të Firenzes me akuzën e zhvatjes së dhunshme.
Dy shqiptarët e arrestuar priten të ekstradohen së shpejti në Shqipëri.
Për atentatin po dje nga policia e Vlorës u arrestua 36-vjeçari, Xheladin Merko, i dyshuar për moskallëzim krimi.
Numri i të arrestuarve për atentatin ndaj të riut Inez Hajrulla, i biri i një biznesmeni të njohur në Vlorë ka shkuar në 7.
Në muajin nëntor, 6 muaj pas atentatit në kuadër të operacionit “Gjurmimi” u kapën 4 të dyshuar.
Në pranga në atë kohë u vunë Daut Elmazi, banues në Vlorë, Albano Goxhaj, banues në Fier, Dejvison Serjani, banues në Tiranë dhe Ardjan Ahmeti, banues në Tiranë.
Sulmi me armë u shënua me 10 maj të këtij viti një lokal, pranë një kompleksi që njihet në pronësi të Edison Harizajt, i ashtuquajtur “kumbari” ose “faqedjeguri”, i vrarë në Durrës.
Inez Hajrulla edhe pse në moshë të re konsiderohet një personazh i grupeve kriminale në Vlorë.
Në vitin 2017, ai mbeti i plagosur rëndë si pasojë e një atentati me eksploziv në makinë.
