Avokati Altin Goxhaj ka bërë me dije se do të niset për kurim jashtë vendit, një muaj pas shtrimit në spital.
Goxhaj, poston një foto në FB, krahas së cilës shkruan: “Duke u nisur për trajtim të specializuar mjekësor jashtë, (1 muaj pas goditjes që më dhanë ditët e para të Nëntorit por dhe trajtimit shpëtimtar në Spitalin Infektiv). Kthehem pas 11 ditësh shpresoj i shëruar pasi pasojat e helmimit më kanë lënë pa fuqi krejt dhe me shumë komplikacione. Lajm i mirë është që kam lënë cigaren. Shihemi pas 11 ditësh dhe më uroni fat”.
Një muaj më parë, Goxhaj njoftoi se ishte shtruar në spital pas një helmimi të rëndë. Rrethanat e helmimit, siç ka deklaruar vetë avokati, mbeten ende mister.
