Menjëherë pas vendimit të qeverisë së Edi Ramës për të pezulluar Arben Malajan si anëtar të Këshillit Mbikëqyrës së Bankës së Shqipërisë, ka ardhur reagimi i këtij të fundit.
Përmes një postimi në Facebook, Malaj shkruan se asnjë karrige kryeministrore nuk do ta ndalojë atë të flasë për të vërtetën dhe realitetin.
Reagimi i plotë i Arben Malajt:
Të dashur miq, sapo më njoftuan se qeveria ka vendosur pezullimin tim si anëtarë i Këshillit Mbikëqyrës së Bankës së Shqipërisë.
Tani do ta kem më të lehtë të përballem publikisht dhe ligjërisht me shpifësit dhe abuzuesit me pushtetin. Falënderoj të gjithë ata që më kanë mbështetur dhe inspiruar që vendit tim ta shërbej me dashuri, profesionalizëm dhe integritet. Sfidat më të paaftët dhe shpifësit i kam fituar përherë moralisht dhe ligjërisht.
Asnjë karrige ministrore apo partiake nuk më ka penguar në angazhimet e mia profesionale, shkencore dhe politike. Ju falënderoj!
