Liverpool nuk njeh rivalë në Premier League. “Të Kuqtë” fituan derbin ndaj Everton me rezultatin 5-2 duke arritur kështu fitoren e gjashtë radhazi në kampionat.
Në këtë ndeshje la shenjë edhe Shaqiri, i cili shënoi golin e dytë për skuadrën. Golat e tjerë për Liverpoolin u shënuan nga Origi që shënoi dygolësh, Mane dhe Wijnaldum ndërkohë që për Everton gjetën rrugën e rrjetës Keane e Richarlison.
Me këtë fitore Liverpool gjendet e shkëputur në krye, 8 pikë larg Leicesterit të vendit të dytë, dhe 11 pikë nga rivalët e City-t.
