Tërmeti i 26 nëntorit me magnitudë 6.4 të Shkallës Rihter shkaktoi 51 viktima, 8 prej të cilëve i përkisnin familjes Lala në Durrës.
Historitë që raportohen pas tërmetit shkatërimmtar kanë përlotur jo vetëm shqiptarët, por edhe gazetarë të huaj që kanë raportuar nga Thumana apo Durrësi. Një prej tyre është edhe një gazetar grek, i cili ka ndjekur nga afër operacionet e kërkim-shpëtimit në Durrës.
Ai e ka përshkruar i emocionuar atë çfarë ka parë me sytë e tij duke treguar se është përlotur disa herë.
“Në familjen Lala, që humbi 8 anëtarë të saj, njerëzit madhështorë, mes dhembjes së tyre na pyesnin nëse duam diçka për të ngrënë.
Njerëz me zemër të madhe, bujarë, mikpritës. Shumë herë nuk flisja dot, shumë herë u lotova kur nxirrnin njerëzit nga gërmadhat, fëmijët në batanije. Forcat shpëtimtare që luftonin në rrënoja janë heronj të vërtetë, rrezikuan jetën e tyre.
Emocione e dhimbje e papërshkrueshme që do më mbetet e paharrueshme”, shprehej gazetari grek teksa raportonte mbi tragjedinë për televizionin ERT, i cili organizoi një transmetim maratonë me synim mbledhjen e fondeve në ndihmë të të prekurve nga tërmeti.
