Zinedine Zidane nuk e ka harruar aspak Paul Pogban dhe dëshiron që mesfushori të jetë pjesë e Realit të Madritit.
Zidane është i gatshëm të ofrojë 180 milionë paundë për bashkëpatriotin e tij, por Real Madrid nuk është i bindur për këtë lëvizje dhe për momentin i ka lënë gjërat pezull. – raporton gazeta spanjolle “Marca”.
Problemi qëndron pasi Florentino Perez, preferon Christian Eriksen të Tottenham, ku danezi ka kërkuar largimin nga klubi, ku “Spurs” janë të detyruar ta shesin lirë që në merkaton e janarit, ndryshe ai largohet në verë me parametra zero.
Gazeta spanjolle gjithashtu shton se Zidane dhe Pogba janë takuar në muajin tetor, teksa tekniku francez i ka shprehur dëshirën për ta pasur në skuadër.
