PËRDITËSUAR/ Detaje të reja zbardhen lidhur me ngjarjen e ndodhur në Sarandë, ku një i moshuar ka mbetur i plagosur me armë zjarri.
Dyshimet paraprake të policisë lokale janë se 73-vjeçari Shyqyri Saliaj nga Ksamili, çoban, është qëlluar me çifte nga një distancë e largët, duke mbetur i plagosur rëndë.
Ndërsa autori, 63-Xhevari Mema, edhe ai çoban, dyshohet se e ka plagosur aksidentalisht të moshuarin. Mema, i shoqëruar nga policia, ka deklaruar se 73-vjeçari i është dukur si ujk, ndaj dhe ka realizuar qitjen.
“Në lagjen nr.2 Sarandë, pranë vendit të quajtur ‘Antenat’, shtetasi Xh.M., 63 vjeç, banues në Ksamil, ka plagosur me armë gjahu ‘çifte’ shtetasin Sh.S., 63 vjeç, banues në Ksamil. Dyshohet se ngjarja ka ndodhur aksidentalisht pasi shtetasi Xh.M ka menduar se ka patur përballë kafshë të egër. Po punohet për sqarimin e rrethanave të mëtejshme”, njoftoi policia.
***
1 person i plagosur me armë zjarri
Një person ka mbetur i plagosur me armë zjarri. Burime thanë për Boldnews se një i moshuar, rreth të 70-tave, është transportuar në spitalin Rajonal të Sarandës, i plagosur me armë zjarri.
Identiteti i të lënduarit nuk bëhet i ditur, por mësohet se ai ndodhet në gjendje të rëndë.
Plagosja dyshohet se ka ndodhur në Ksamil në rrethana ende të paqarta.
Policia është njoftuar nga spitali lidhur me ngjarjen, që nga ana e saj ka nisur një hetim për zbardhjen e asaj ç’ka ndodhur.
