Ish-kryebashkiaku i Durrësit, Vangjush Dako disa muaj pasi i mbaroi mandati si kreu i bashkisë së Durrësit, ka gjetur rastin të rikthehet, pas dorëheqjes së kryebashkiakes Valbona Sako ditën e djeshme.
Ai u shfaq ditën e djeshme në ambjentet e brendshme të bashkisë së Durrësitpor duket se nuk ka qenë vetëm një vizitë e rastësishme pasi, sot herë në mëngjes është shfaqur sërish pranë këtij institucioni.
Prania e Dakos, i cili edhe pse nuk është më kryetar i Bashkisë së qytetit të prekur nga tërmeti shkatrrimtar i 26 nëntorit, ka tërhequr vëmendjen edhe të vetë qytetarëve durrsakë që e kanë filmuar sot herët në mëngjes.
Dako akuzohet se është “de-facto” kryetar i Bashkisë së Durrësit, nëpërmjet emërimit në këtë post të ish-zëvendësit Zhulien Varfaj.
Varfaj u emërua përkohësisht pas dorëheqjes së Valbona Sakos, arsye për të cilën u dha gafa që ajo bëri gjatë një interviste në televizion.
Por sa është vërtetë kjo gafë arsyeja e largimit të Sakos?
Abcnews ka mësuar se në fakt, Valbona Sako, përpara se të bënte atë gafë televizive që ishte sebepi i largimit të saj, u kishte kërkuar specialistëve në Drejtorinë e Urbanistikës, nxjerrjen e dosjeve dhe praktikave të të gjithë pallateve që po evidentoheshin të pabanueshëm apo që ishin shkatërruar. Kjo do të conte në një tjetër drejtim: kohën kur janë dhënë lejet dhe mënyra sesi është proceduar. Prokuroria e Durrësit e kishte deklaruar se do të merrte gjithë dokumentacionin nga bashkia.
