Ish-deputetja e Partisë Demokratike, Orjola Pampuri i bën thirrje kryeministrit Edi Rama që të ndalë shfrytëzimin e fëmijëve për qëllime propagandistike. Ky reagim, vjen pas takimit që kreu i ekzekutivit pati dje në spital, me dy fëmijët e plagosur nga tërmeti i 26 nëntorit.
Sipas ish-deputetes, Rama i përdori takimet për t’i dhuruar teleshikuesve një shfaqje teatrale. Më tej, Pampuri i mëshon idesë se takimet me fëmijët duheshin bërë në prani të psikologëve dhe pa kamera, për vetë faktin e rëndesës emocionale dhe psikologjike.
***
Ndal abuzimit me fëmijët Edi Rama!
Në spitalin e Traumës kryeministri vraponte për të takuar dy fëmijë, të mbijetuar nga tërmeti, për të na ofruar një shfaqje të turpshme. I shoqëruar nga ministrja e Shëndetësisë, e cila kishte përgatitur terrenin që shfaqja e pështirë të kishte sukses, Edi Rama përdori dy femijë të cilët përveç mbështetjes emocionale të profesionistëve, kurimit nga stafi mjekësor e ngrohtësisë së prindërve nuk i duhej falsiteti neveritës i Edi Ramës që ka 4 ditë që vrapon nga shfaqja në shfaqje. Ndërkohë që, prej kaosit që ka krijuar për shkak të keqmenaxhimit të situatës, po shkakton shumë vuajtje te njerëzit.
Mjaft i përdore fëmijet Edi Rama, të gjithë kane qenë në terren, të gjithë kanë takuar fëmije e të moshuar, të gjithë kemi përjetuar ankthin e historive të tyre, faktin që janë të paushqyer, të pastrehë, të traumatizuar, por kemi kursyer kamerat e aparatet fotografike me ta. Çdo bisedë me këta fëmijë duhet të jetë e kujdesshme, nën praninë e psikologëve, dhe absolutisht pa praninë e fotografëve apo kamerave. Ti shkele mbi këtë normë elementare njerëzore. Turp të keqpërdorësh fëmijë në këtë gjendje. Qindra të tjerë thërrasin për strehë dhe ushqim. Lëri kamerat, lëre aktrimin, merr përgjegjësi dhe ndihmo njerëzit në nevojë! Turp!
LEXO EDHE:
7-vjeçari që humbi të afërmit i bën dhuratë kryeministrit (Video)
