Shkollat në qytetin e Durrësit, një nga më të prekurit nga tërmeti i 26 nëntorit, nuk do të hapen deri më 9 dhjetor, ndërsa në Tiranë dhe Lezhë procesi mësimor do të ndërpritet deri më 5 dhjetor, me të drejtë shtyrjeje.
Kjo është pohuar nga Ministria e Arsimit, sipas të cilës drejtuesve të shkollave u është kërkuar informacion mbi gjendjen e godinave.
“Këtë informacion e kemi shpërndarë tek bashkitë dhe inxhinierët përkatës të cilët kanë bërë verifikimet në terren për një pjesë të madhe, kjo është me datë 27 nëntor.
Më datë 28 atyre ju bashkuan një grup tjetër inxhinierësh nga Kosova dhe ata mbuluan një numër prej 150 shkollash, paraleshisht me inxhinierët bashkiak.
Më datë 30 nëntor, i gjithë informacioni nga terreni është analizuar dhe është konstatuar se ka një numër të konsiderueshëm të shkollave që kanë dëmtime të thella, ose kanë dëmtime serioze të cilat mund të riparohen, por kanë nevojë për disa ditë kohë.
Në Durrës janë edhe dëmtimet më të rënda. Në qarkun Durrës dhe Lezhë ka shkolla që kanë dëmtime të thella që kanë nevojë për disa ditë për merimetim janë 26.
Në qarkun Tiranë, ka shkolla që kanë dëmtime mesatare dhe do të rihapen për disa ditë. Përveç shkollës në fshatin Pezë e cila është mbyllur dhe nxënësit do të zhvendosen në një objekt tjetër.
Shkollat që kanë nevojë për riparime më të thella janë 23 në Tiranë.
Shkolla me dëmtime të lehta ka më shumë por nuk do ti raportoj sot se nuk paraqesin asnjë lloj rreziku”, thuhet në informacionin e Ministrisë së Arsimit.
