Kreu i Partisë Demokratike Lulzim Basha në orët e mbrëmjes ka qenë pranë banorëve të lagjes Nr 4 në Durrës. Teksa ka takuar qytetarët të cilët janë ende të tmerruar nga ajo që përjetuan, Basha sjell përmes fotove gjendjen e pallateve, të cilat sipas tij nuk kanë nevojë për shumë fjalë.
Postimi
“Shikoni vetë çfarë shkatërrimi”, Basha në lagjen 4 në Durrës: Gjendja është e rëndë, nevojat e njerëzve janë urgjente.
Pasdite në lagjen 4 në Durrës dhe në mbrëmje në Shkozet: shikoni vetë çfarë shkatërrimi. Banorët janë të lodhur, të tronditur, të paushqyer dhe të stresuar. Nuk ka asnjë organizim, asnjë ndihmë asnjë orientim dhe askush nuk ka ardhur të na shohë – këto janë fjalët që më përsërisin në çdo takim. Gjendja është e rëndë, nevojat e njerëzve janë URGJENTE. Ju bëj thirrje strukturave të emergjencës të vihen pa asnjë vonesë në lëvizje dhe të ndihmojnë mijëra familje të braktisura dhe të lëna në harresë. Koha nuk pret!
