Baste të shtrenjta, shumë të shtrenjta. Por, nëse bëhet fjalë për talente që janë gati të shpërthejnë dhe të promovohen, skuadrat e mëdha nuk mbeten me duart në xhepa. Tentohet transaksioni, me një investim fillestar shumë të rëndësishëm, me shpresën që brenda pak viteve, të zbulojnë një fenomen të vërtetë.
Talenti më i fundit që ka qenë pjesë e transferimeve gjigante është Gabriel Jesus, i cili u transferua nga Palmeiras, për te Manchester City. Përpara atij, shumë të tjerë të rinj fenomenalë kanë shpërblyer, por jo të gjithë ja kanë vlejtur, për të ripaguar bastin. Anthony Martial i kushtoi Manchester United, 42.5 milionë euro. ka realizuar 17 gola në 50 ndeshje. Anthony Martial, (nga Monaco drejt Manchester United, 42.5 milionë euro plus bonus). Është francezi, djaloshi më i kushtueshëm i historisë së futbollit. Me vrull dhe besimplotë, van Gaal vë bast mbi francezin, duke e blerë atë me shpresën se do të ringjallë “Djajtë e Kuq”.
Shumë përgjegjësi në shpatullat e një 19-vjeçari, dhe kështu, nëse skuadra nuk shkëlqen, atëherë sulmuesi vuan. 50 paraqitje, 17 gola dhe 7 asiste. Dikush priste më shumë se aq. Luke Shaw u ble nga Southampton për shumën 36.5 milionë euro. Luke Shaw (nga Southampton drejt Manchester United, 36.5 milionë euro). Para Martial, ishte anglezi. Në verën e vitit 2014, mbrojtësi i Sanits mbërriti bujshëm në Old Trafford. Por një dëmtim i rëndë frenon ecurinë e shpejtë të karrierës së tij. Ende nuk ka mundur të pozicionohet në mënyrë definitive. Ka moshën 21-vjeçare, por pesha e atyre milionave të shpenzuar dy vite më parë ka nisur të ndihet. Lucas regjistron me PSG 178 aktivizime, 26 gola dhe 36 asiste. Lucas Moura (nga San Paolo drejt PSG, 33 milionë euro).
Duhej të ishte një fenomen brazilian, por Lucas përkundrazi u bë vetëm një futbollist i mirë. Mbase është e tepruar shifra e paguar nga klubi parizien në vitin 2013. Gjithsesi deri më sot regjistron 178 aktivizime, 26 gola dhe 36 asiste. Renato Sanchez u shpall Kampion i Europës me Portugalinë, vetëm pak pasi u ble nga Bayern Munich. Renato Sanches (nga Benfica drejtBayern Munich, 32,5 milionë euro, plus bonus). Carlo Ancelotti fërkon duart, teksa talenti portugez kërkon të afirmojo karrierën e tij në Bavari.
Pas Europianit të fituar me Portugalinë, vlera e kartonit të Sanches është rritur ndjeshëm. Gjithsesi, trajneri Italian kishte dhënë orientimet e tij, për ta blerë futbollistin para Europianit. Carlo Ancelotti u tregua largpamës. Gabriel Jesus do të bashkohet me Manchester City në janar. Gabriel Jesus (nga Palmeiras drejt Manchester City, 31.8 milionë euro). Ja, ky është talenti që kërkonte Pep Guardiola. Gjithsesi do të duhet ende të presë, pasi 19-vjeçari pjesë e përfaqësueses së Sambës, është i angazhuar me ekipin olimpik të Brazilit, ndërsa më pas do të duhet të mbyllë sezonin me Pameiras. Nga janari do të ketë një tjetër djalosh për tu përkëdhelur, Manchester City ka nevojë për futbollistë jashtë serie. U ble nga Everton, tashmë Rooney është një legjendë te Manchester United.
Wayne Rooney(nga Everton drejt Manchester United, 30.5 milionë euro). E ç’të thuash? Është pak të thuash një investim i goditur. Sulmuesi anglez është shndërruar në një legjendë e “Djajve të Kuq”dhe është shumë pranë arritjes së rekordit mostruoz të golave të shënuar, që deri tani mbahet nga legjenda e klubit Sir Bobby Charlton, në kuotën e 249 golave. Vetëm duartrokitje. Kur mbërriti te Barcelona në 2001, Saviola konsiderohej si pasardhësi i Maradonës. Javier Saviola (nga River Plate drejt Barcelonës, 29.5 milionë euro). Saviola ka qenë një nga ata futbollistë me cilësi të papara, por të cilit i ka munguar gjithmonë pasimi i fundit për tu shndërruar në një fenomen të vërtetë.
El Conejo, me fanellën blaugrana ka realizuar 60 gola në tre sezonet e para. Në 2001, kur mbërriti te Barça si pasardhësi i Maradonës, entuziazmi ishte deri në qiell. Anderson mund të konsiderohet nga dështimet më të mëdha të Manchester United në merkato. Anderson (nga Porto drejt Manchester United, 26 milionë euro). Investimentim i gabuar? Anderson, për Manchester United është shembulli i tersit. I kërkuar nga Ferguson, ai regjistroi 10 aktivizime në dy sezonet e tij të fundit, tashmë është rikthyer në Brazil, ku luan me Internacional. Në mes, një vit te Fiorentina, praktikisht një meteorit në qiellin toskan. Marquinhos, përkrah Thiago Silvas po rritet si një nga mbrojtësit e rinj më të mirë në qarkullim. Marquinhos (nga Roma drejt PSG, 26 milionë euro). Një vit në kryeqytetin Italian, blerja e romanëve konsiderohet e gjetur.
Pas një sezoni e shesin te PSG, duke gjeneruar një megafitim, pasi e blenë nga Corinthians për më pak se 5 milionë euro, duke fituar plot 21 milionë. Në hijen e Tour Eiffel, ai rritet përkrah një tipi të quajtur Thiago Silva, për të qenë sot një prej mbrojtësve të rinj më të mirë në qarkullim. Cassano u transferua nga Bari te Roma në vitin 2001, për të qëndruar 5 sezone. Antonio Cassano (nga Bari drejt Romës, 23.5 milionë euro). Në vitin 2001, Cassano, nga Bari i vjetër, zbarkon në Romë, si e ardhmja e futbollit Italian. Është vetëm 19 vjeç, është një i çmendur, por i fortë me topin në këmbë. Me ekipin roman shënon dhe bën shumë çudira, por më pas, vjen lamtumira, pas 5 vjetësh. Transferohet te Real Madrid për vetëm 5 milionë euro. Padyshim, ky nuk ishte transaksioni më i mirë në jetë.
