Pas përfundimit të operacionit të kërkim-shpëtimit, nis puna për verifikimin e dëmeve.
“Zyrtarisht operacioni i kërkim-shpëtimit në zonat Durrës e Thumanë, më të dëmtuarat nga tërmeti i 26 nëntorit ka përfunduar. Ne 3 dite u nxorën nga rrënojat 50 viktima, përmes operacionit ku morën pjesë rreth 250 efektive të kërkim-shpëtimit nga Shqipëria, Kosova, Italia, Greqia, Mali i zi, Serbia, Kroacia, Franca, Turqia, Zvicra, Rumania, Maqedonia e Veriut, BE, Shtetet e Bashkuara të Amerikës etj. Po behën saktësimet e fundit të gjeneraliteteve të viktimave përmes familjareve të tyre për të dalë më pas me listën përfundimtare emërore. Lidhur me kërkimet e fundit në “MiraMare” nuk është gjetur asnjë trup”, thuhet në një njoftim të Ministrisë së Mbrojtes.
Pas kërkim-shpëtimit në terren, bëjnë me dije të njëjtat burime, ekspertë shqiptarë e të huaj nisin punën për verifikimet e dëmeve në terren.
Përveç 50 viktimave, nga Ministria e Shëndetësisë është konfirmuar se numri i të plagosurve nga tërmetet i kaluar 900.
