4 me 0 është mbyllur ndeshja midis Zyrihut dhe Vohlen, ku dy prej golave janë shënuar nga Armando Sadiku. Sadiku ka shënuar në minutën e 19 dhe të 83-ën duke qenë ai autor i golit të parë dhe të fundit të asaj ndeshjeje.
Lojtari shqiptar edhe njëherë ka konfirmuar protagonizmin e tij absolut në fushë duke hedhur poshtë çdo pikëpyetje të ngritur mbi cilësinë e lojës që bën. Golat e Vinter dhe Rodruigues të shënuar në minutën e 40 dhe 44-t ishin vijueshmëria e një fitoreje të sigurt të cilën e parapriu goli i sulmuesit shqiptar.
Sadiku ka shënuar 3 gola në tre ndeshje të luajtura në këtë skuadër të kategorisë së dytë kampionatin zviceran. Burim Kukeli është lojtari tjetër shqiptar i cili u aktivizua në fushë që nga minuta e parë pas një dëmtimi të javës së kaluar.
