Administratorët e portalit JOQ Albania, Erland Dalliu dhe Gentian Çekeli u proceduan penalisht ditën e djeshme me akuzën përhapje paniku për shkak të një lajmi të rremë.
Sot, njëri prej tyre Gentian Çekeli ka reaguar përmes një postimi në Instagram.
“E kam pasur ëndërr që në klasë të dytë, që një ditë të shpallesha “armik i partisë” – shkruan ai në InstaStory duke nënkuptuar se i cilëson akuzat e policisë më shumë si një hakmarrje politike, pasi JOQ Albania njihet si një portal opozitar.
Procedimi penalisht i tyre erdhi pas thirrjes së njëpasnjëshme që kryeministri Edi Rama iu bënte dje medieve dhe portaleve që do të mbylleshin forcërisht, nëse shpërndanin lajme që përhapin panik
