Gjashtë pjesëtarët e familjes Cara, të cilët humbën jetën tragjikisht në rrënojat në Thumanë, ditën e sotme rreth orës 13:00 do të përcillen për në banesën e fundit.
Tërmeti i fuqishëm i të martës i mori jetën Almir Carës 26 vjeç, Erisa Carës 25 vjeç, Hasan Carës 18 vjeç, Fatmira Carës 53 vjeç, Sadajana Hysës (Cara)21 vjeç dhe Anthi Carës 72 vjeç.
Deri më tani, raportohen zyrtarisht 49 persona të vdekur dhe mbi 650 persona të plagosur.
Tërmeti me magnitudë 6.4 të shkallës Rihter, që u regjistrua rreth orës 03:55 të 26 nëntorit, konsiderohet më i forti i 40 viteve të fundit.
Madje ky tërmet, shkaktoi shumë më tepër viktima se ai i 15 prillit 1979 që goditi Shkodrën, ku në atë kohë humbën jetën 35 persona dhe u plagosën 170 qytetarë.
