Tërmeti me magnitudë 5.1 të shkallës Rihter që goditi Shqipërinë mesditën e sotme duket se ka krijuar probleme të shumta në disa banesa, që më parë mund të jenë dëmtuar nga tërmetet që kanë goditur vendin, ku më i madhi ishte ai me magnitudë 6.4.
Një ndërtesë 9 katëshe, e cila gjendet në Durrës, më saktësisht në rrugën “Mujo Ulqinaku”, ka pësuar dëmtime nga dridhjet e tërmeteve që kanë ndodhur që nga dita e martë.
Policia e Shtetit ka bllokuar me shirita zonën e ndërtesës e cila po paraqet rrezik për shkak të dëmtimeve të marra.
Ekipi i Kallxo.xcom nga Kosova i cili gjendet në atë zonë u sjell pamje të qytetarëve dhe ndërtesës së rrethuar nga shiritat.
