Rrëqethëse është edhe historia në familjen Cara në Thumanë, pasi nga 9 pjesëtarë, vetëm 2 prej tyre kanë arritur të mbijetojnë.
Almir Cara është vetëm 29 vjeç. Ai me të fejuarën e tij Diastela Steneci, 25 vjeçe, aktualisht ndodhen nën rrënojat e një pallati të shkatërruar në Thumanë.
Çifti i ri planifikonte të martohej këtë verë.
Ndonëse familjarët e tyre shpresojnë ende që të rinjtë të nxirren gjallë, sa më shumë koha kalon aq edhe më i vështirë duket ky mision.
“Sipas konfirmimeve të autoriteteve greke që po kërkojnë në mënyrë më të specializuar, nuk ka shenja jete“, tha gazetari Spartak Koka në Opinion.
