Qendra Sizmologjike Europiane-Mesdhetare (EMSC) ka reaguar me anë të një postimi në Twitter në lidhje me tërmetet e njëpasnjëshme që po trondisin vendin tonë.
Sot pasdite u ndje një tjetër tërmet, ku alarmoi banorët, të cilët rendën me vrap jashtë banesave të tyre.
ESMC shkruan në një status se asnjëherë nuk janë ndjerë lëkundje kaq të shpeshta dhe me shkallë kaq të lartë në të njëjtin rajon.
ESMC shkruan se:
Që prej fillimit të aplikacionit të tërmeteve në 2014, ne kurrë nuk kemi parë një shkallë kaq të lartë të tërmeteve të ndjerë në të njëjtin rajon.
Kjo është një kohë shumë shqetësuese dhe e vështirë për njerëzit e prekur nga tërmeti në Shqipëri dhe të gjitha mendimet tona janë me ju. Qëndroni të sigurt.
