Argjentinasi ka qenë një nga lojtarët kyç të Manchester City që kur i ble për 50 milionë euro nga Atletico Madrid. Me dy golat e tij të fundit kundër Aston Villa ai tashmë ka 128 gola në 194 ndeshje për “Citizens”. Por me kontratën që i skadon pas tre vitesh, Aguero e ka vendosur që tani se ku do të shkojë kur t’i përfundojë. Sulmuesi 27-vjeçar kërkon të rikthehet në vendlindje mbas kampionatit botëror në Rusi në vitin 2018. “Në muajt e fundit shumë spekulime ka pasur për kontratën time të re, por unë nuk i kam kushtuar rëndësi,” shprehet ai për stacionin radiofonik Indipendiente En La Uno.
“Është e qartë që në momentin që do të më mbarojë kontrata, pas Rusi 2018, do të shkoj te Independiente. Në këtë klub të gjithë janë treguar të mirë me mua, gjithmonë më kanë thënë se janë të gatshëm të dëgjojnë çdo ofertë që vjen drejt meje. Kur kontrata ime të përfundojë unë do të kthehem në Argjentino te “El Rojo”, nga Manchester drejt e në Avellaneda.” Aguerro filloi karrierën e tij te Indipendiente, ku ai shënoi 23 gola në 56 ndeshje të luajtura.
