Klubi i Shkupit në Maqedoninë e Veriut, ka vendosur që të dhurojë të gjitha paratë që do të mblidhen ditën e nesërme nga biletat e ndeshjes ndaj Akademisë Pandev.
Drejtuesit e klubit shkupjan kanë marrë vendimin që të ardhurat nga biletat të dhurohen për ndihmë në qytetin e Durrësit, pas tërmetit shkatërrues.
Kjo iniciativë u mor sot nga drejtuesit e klubit bardheblu, për tu solidarizuar dhe ndihmuar sado pak familjet e viktimave që humbën jetën në tërmetin e mëngjesit të sotëm në Durrës në të cilin humbën jetën 18 persona dhe shumë të tjerë u lënduan.
