Djali i një gruaje, e cila rezulton e zhdukur nën rrënoja ne një pallat disakatësh të fundosur në afërsi të stadiumit të Durrësit, ka bërë një apel drithërues për ndihmë direkt nëpërmjet emisionit “7 pa pesë” në Vizion Plus.
Ai ka deklaruar se mamaja e tij ndodhet nën rrënoja, por askush nga emergjencat civile nuk po përpiqet ta nxjerrë jashtë. Operacionet sipas djalit të të zhdukurës janë ndërprere prej orës 17:00 të ditës së hënë.
Ai tha moderatorës Pranvera Borakaj dhe gazetares Jona Macellari se kishte dëgjuar zëra nga thellësia e rrënojave deri të hënën në mesditë, por më pas fatkeqësisht asgjë tjetër.
Vizion Plus komunikoi me drejtorin e emergjencave civile, Haki Cako i tha se ishte vetë në Thumane, por për këtë rast të rëndë në Durrës do të merrej vetë personalisht.
