Tërmeti i së martës që tronditi Shqipërinë, shkaktoi pasoja të rënda në njerëz dhe materiale. Ndonëse, jetët e humbura nuk mund të rikthehen më, pas kalimit të situatës aktuale qindra familje do të përballen me mungesën e një strehe, pasi banesat e tyre u shembën.
Solidariteti ka qenë i jashtëzakonshëm nga shoqëria vendase dhe ajo e huaj. Solidaritetit i është bashkuar dhe filantropi i njohur nga Tetova, Lazim Destani dhe kompania e familjes se tij, Ecolog International.
Familja Destni ka dhuruar ndihma për familjet e dëmtuara nga tërmeti në Shqipëri.
Pas mesnatë, nga Tetova janë nisur 3 kamionë 12 tonësh dhe një furgon, që pritet te mbërrijnë rreth orës 10:00 në Durrës, për t’ju dorëzuar Shtabit të Emergjencave Civile.
Ndihma e Ecolog International konsiston në artikuj ushqimore, tenda, krevate portativ, dyshekë, jorgan, jastëk, batanie, pelena, etj.
