Grupi Parlamentar i Partisë Socialiste i është drejtuar me një kërkesë kryetarit të Kuvendit të Shqipërisë, Gramoz Ruçit, ku i kërkohet të shtohen fakte në Komisionin Hetimor Parlamentar, të ngritur ndaj Presidenti të Republikës, Ilir Meta mbi veprimet e tij mbi zgjedhjet lokale të 30 qershorit.
Kësisoj, nesër në orën 09: 00 në Kuvend mblidhet Konferenca e Kryetarëve, ndërsa do të shqyrtohet kërkesa e deputetëve, e cila konsiston si më poshtë:
“Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij, lidhur me zhvillimin e zgjedhjeve në organet e qeverisjes vendore”.
I pyetur nga gazetarët lidhur me kërkesën shtesë që deputetet e PS-së kanë bërë kundër tij, Presidenti meta tha se nuk ka asgjë me 80 deputetët që ndodhen në sallën e Kuvendit. Meta tha se i ka respektuar më shumë sesa duhet këta deputet.
