Një 58-vjeçar ka humbur jetën pas një sherri me të afërmit e tij (babë e bir) në Burrel. Ngjarja e rëndë ndodhi dje, pas një konflikti për çështje pronash.
Sipas policisë vendore, mësohet se Demir Pali 73 vjeç dhe Florian Pali 27 vjeç, të dy banues në Burrel u përplasën verbalisht me Qamil Palin 58 vjeç.
Pas sherrit, 58-vjeçari ka rënë në tokë pa ndjenja dhe ka humbur jetën. Paraprakisht dyshohet se 58-vjeçari ka pësuar infarkt për shkak të tronditjes. Policia ka arrestuar me akuzën për vrasje nga pakujdesia, babë e bir, Demir dhe Florian Pali .
