Aleanca për Mbrojtjen e Teatrit, ku përfshihen emra të njohur të artit dhe shoqërisë civile, mbështet propozimin e Presidentit Ilir Meta, për një referendum në mbrojtje të Kushtetutës dhe Republikës.
Përmes një postimi në rrjet, AMT thekson se rikthimi i të drejtës së popullit për të vendosur mbi çështje konkrete nëpërmjet referendumeve është një hap i drejtë, i nevojshëm, e që duhet të zgjerohet më tej.
“Sot shoqëria shqiptare nuk vendos për thuajse asgjë. Edhe përfaqësuesit tanë në Kuvend janë të zgjedhur nga lista të para-caktuara. Lehtësimi i zhvillimit të referendumeve, qoftë edhe për çështje lokale si parqet apo godina publike si Teatri Kombëtar apo Stadiumi, janë të domosdoshme për të demokratizimin e vendit”, bën të ditur Aleanca.
Në vijim, AMT thekson se është koha të zhbëjmë një herë e mirë ndryshimet kushtetuese të 2008-ës.
