Një grua me origjinë rumune, Ana Maria Lacramioara Di Piazza, 30 vjeçe u qëllua për vdekje me thikë nga i dashuri i saj italian. Antonino Borgia, 51 vjeç, një sipërmarrës nga Partinico me të cilin viktima kishte pasur një marrëdhënie për më shumë se një vit, rrëfeu gjithçka.
Ai tha se Ana Maria i kishte treguar që ishte shtatzënë dhe kishte kërcënuar t`i thoshte gruas së tij, ndërsa i ka kërkuar dhe para, rreth 3 mijë euro. Burri e qëlloi dhe sikur të mos kishte ndodhur asgjë, kishte shkuar në një bar, e më pas edhe tek berberi.
Gruaja e re ishte e birësuar nga një çift në Palermo. Borgia kishte premtuar t`ia jepte paratë që i duheshin, por pasi kishin mbërritur në një kantier ndërtimi, ku kishin kryer dhe marrëdhënie, ishin grindur keq.
Në atë moment, 51-vjecari ka nxjerrë thikën dhe e ka goditur në bark. Skena është filmuar nga kamerat e sigurisë, ku dëgjohet gruaja që ulërinte e i thotë: “Çfarë po bën, ne presim një fëmijë, unë të dua”!
Ai nuk është ndalur, por e ka goditur edhe me shkop në kokë e më pas i preu fytin dhe trupin e fshehu në fshat. Ngjarja është raportuar në polici nga dy dëshmitarë okularë!
