Luis Suarez që nga viti 2014 ka qenë një ndër lojtarët kryesorë të Barcelonës, duke e ndihmuar ekipin blaugranas të fitojë shumë trofe.
Por ky mund të jetë sezoni i fundit i tij me Barcelonën, duke parë edhe që kërkesat te Barcelona janë shumë të mëdha dhe rendimenti i tij nuk është më i njëjtë me të kaluarën.
Duke folur për mikrofonët e ESPN, sulmuesi uruguajan, nuk e përjashton mundësinë për të luajtur në kampionatin amerikan të futbollit.
“Ajo që dua është të krijoj stabilitetin më të madh të mundshëm për familjen time, duke garantuar mirëqenien e fëmijëve të mi. Shtetet e Bashkuara janë një mundësi shumë e bukur”.
“Nuk dihet kurrë se çfarë mund të ndodhë. Sot kam një kontratë me Barcelonën e jam shumë i lumtur, por MLS është një kampionat që më tërheq. Bëhet fjalë për një kompeticion që është rritur shumë në vitet e fundit, duke pritur edhe lojtarë të rinj, sidomos amerikano latinë, është treguesi se duan të rriten, duke mos kërkuar vetëm lojtarë në fund të karrierës. Po kërkojnë përzierjen e duhur mes të rinjve e të vjetërve”.
