Në fushatën e 2015-ës, kandidati për kryetar Bashkie i Tiranës Erion Veliaj, deklaronte se qyteti ka nevojë për një kryebashkiak që të merret me problemet e vogla që shkaktojnë dhimbje të madhe koke për çdo qytetar. Por, fjalët e bukura të fushatës ‘i mori era’ dhe Tirana vijon të mbetet ajo e një mijë e një problemeve. Mungesa e parkimeve, trafiku, ndotja, autobusët urbanë të tejmbushur, mungesa e ujit në banesa, rrugët që përmbyten thuajse sa herë që bie shi, e të tjera si këto probleme të vogla të cilat ja kthejnë jetë në malore qytetarit në Tiranë, që sa pa nisur dita mirë.
“Lali” i Bashkisë, jo vetëm që nuk i ka zgjidhur këto probleme, por i ka shtuar me neglizhencën e tij ndaj çështjeve në dukje të vogla, por thelbësore për jetën e përditshme të qytetarëve.
Një nga këto neglizhenca është edhe lënia e dritave ndezur të rrugëve të kryeqytet gjatë ditës, kur nuk i shërbejnë askujt. “Boldnews” publikoi një ditë më parë fotografi të “Rrugës Myslym, Shyri”, ku viheshin re qartë dritat e lëna ndezur në mes të ditës, me diellin që shkëlqente në kupë të qiellit.
Edhe sot, në të njëjtën rrugë u vu re e njëjta situatë. Dritat sërish të lëna ndezur nga Bashkia duke shpërdorur në mënyrë të pakuptimtë energjinë elektrike.
Ky fenomen është i përsëritur në kryeqytet. Në media është denoncuar disa herë, megjithatë nga Bashkia e “Lalit” duket se nuk “ua ndjen fare”.
Vëmendja e tyre duket e fokusuar te propaganda në vend që të merren me zgjidhjen e atyre halleve të vogla për të cilat fliste kandidati për kryebashkiak Erion Veliaj katër vite më parë.
Lali duket më shumë i fokusuar në fitimin e çmimeve të para në konkurse ndërkombëtare dhe më pas në reklamimet e tyre. “Sa bukur, krenar…”, komentojnë punonjësit e tij në postimet e Veliaj në rrjetet sociale. Megjithatë për qytetarët situata shfaqet e njëllojtë në Tiranën e drejtuar nga Erioni, që vijon të mbetet po ajo e një mijë e një ‘problemeve të vogla’, për të cilat duket se askush në Bashki nuk ka kohë të merret.
