Pas përfundimit të kualifikueseve për në Europianin e 2020-ë s, këtë fundjavë Kategoria Superiore, rikthehet me takimet e javës së 13-të .
Java hapet ditën e shtunë, ku në orën 13:30, luhen dy ndeshje, ajo mes Kukësit dhe Bylisit, dhe Flamurtari ndaj Luftëtarit të Gjirokastrës.
Kukësi vjen pas humbjes ndaj Laçit, dhe në këtë ndeshje kërkon kthesën për të mos u distancuar nga rivalët.
Ndërsa ndeshja mes Flamurtarit dhe Luftëtarit, është një ndeshje mbijetese, ku skuadrat gjenden përkatësisht në vendin e parafundit dhe të fundit, por që gjithsesi shanset e tyre për mbijetesë janë të pakta edhe pse mbeten dhe shumë javë për tu zhvilluar.
Por kryendeshja e ditës së shtunë do të jetë ajo midis, Skënderbeut dhe Tiranës, ku diferenca e vendit të katërt që mbahet nga kryeqytetasit, me Skënderbeun e vendit të shtatë është 2 pikë, 19 pikë për Tiranën dhe 17 për Skënderbeun.
Ndërsa edhe të dielën luhet një ndeshje e fortë, ku Vllaznia pret Teutën në shtëpi, në orën 16:30, aty ku shkodranët do të kërkojnë fitoren e parë pas 2 humbjeve dhe një barazimi në tre ndeshjet e fundit.
Java e 13-të, mbyllet ditën e hënë, me takimin mes Partizanit kryesues dhe Laçin e vendit të tretë .
